Monday, September 13, 2010

දැන් ඉතිං බඩු හරිනේ......

අපේ ගෙදර කවූරුත්ම නෑ
මම තට්ට තනියම.........
වේලාව දවල් දොළහයි
වෙන්දා රෑට......,
ඒත් අද කවූරුත් නෑ
මම ඒක ගෙන්න ගියා
පට්ට දවල්ම.....,


අතේ තිබ්බෙත් එක නෝට්ටුවයි
ඒත් ඉතිං දවල්ට හැමදාම කියලා ඈ....
මම ගියා බඩුව තියන තැනට
බය නැතුව ඉල්ලුවා.....
මට ඉතිං පුරුදු නැති දෙයක් ඈ...
මුලින් එකක් පෙන්නුවා
මම ඒක එපා කියලා
අනිත් එක ඉල්ලුවා....


අම්මෝ.......
ඒක දැක්කහම හිතට දැනුන ගතිය....
මහත ගාන....
බරත් නියමයි
පෙනුම මරු...කියලා වැඩක් නා
දිළිසෙනවා
බලන්න ලස්සනේ බෑ...,
ඉතිං මම දුන්නා නෝටුව....
ඉල්ලුවා සුදු රවුමකුත්.....


මෙන්න අයිතිකාරයා කියපි
ගාණ මදි කියලා...
මම හැමදාම ගන්නේ මේ ගාණටනේ ඉතිං
දැන් ඉතිං මොනවා කරන්නද....
මේ අපිම කොර ගත්තුවා තමයි....
යුතුකම ඉෂ්ට කලානේ....

දැන පාන් 48 යි...
මම කොහොමද බිත්තරයක් ගන්නේ
ඉතිරි රුපියල් 2න්...?
දැන් ගෙදර ගිහින් 18 ට
හුල්ලලා.....කමූ පාන්...
පොගවලා වතුරෙන්...
දැන් ඉතිං බඩු හරිනේ......